ಮಧ್ಯ ಪ್ರದೇಶ : ಮಧ್ಯಪ್ರದೇಶದ ನೀಮುಚ್‌ನಲ್ಲಿ ನಡೆದ ಆಘಾತಕಾರಿ ಘಟನೆ ಜನರನ್ನು ಬೆಚ್ಚಿ ಬೆಳಿಸಿತ್ತು ಮಧ್ಯಪ್ರದೇಶದ ಯುವ ಕಾಂಗ್ರೆಸ್ ಮುಖಂಡ ಕುಲದೀಪ್ ವರ್ಮಾ ತನ್ನ 19 ವರ್ಷದ ಗೆಳತಿ ತಸ್ಲೀಮ್‌ಗೆ ನಡು ರಸ್ತೆಯಲ್ಲಿ ಏಳು ಬಾರಿ ಚಾಕುವಿನಿಂದ ಇರಿದು ಬರ್ಬರವಾಗಿ ಹಲ್ಲೆ ಮಾಡಿದ್ದಾನೆ.
ಖಾಸಗಿ ಶಾಲೆಯೊಂದರಲ್ಲಿ ತಸ್ಲೀಮ್‌ ಶಿಕ್ಷಕಿಯಾಗಿ ಕಾರ್ಯನಿರ್ವಹಿಸುತ್ತಿದ್ದರು ಯುವ ಕಾಂಗ್ರೆಸ್ ಮುಖಂಡ ಕುಲದೀಪ್ ವರ್ಮಾ ಮತ್ತು ಆಕೆಯ ನಡುವೆ ಪ್ರೇಮ ಸಂಬಂಧ ಇತ್ತು ಎಂದು ಹೇಳಲಾಗುತ್ತಿದೆ ಗೆಳತಿಗೆ ಇನ್ನೂ ಕೆಲವು ಹುಡುಗರ ಜೊತೆ ಸಂಪರ್ಕ ಇದೆ ಎಂದು ಅನುಮಾನಗೊಂಡು ಹಲ್ಲೆ ನಡೆಸಿದ್ದಾನೆ ಎಂದು ಹೇಳಲಾಗುತ್ತಿದೆ.
ಯುವತಿ ರಕ್ತದ ಮಡವಿನಲ್ಲಿ ಬಿದ್ದು ಒದ್ದಾಡುತ್ತಿದ್ದರು ಸುತ್ತಲೂ ನಿಂತ ಯಾರು ಒಬ್ಬರು ಸಹಾಯಕ್ಕೆ ಬಂದಿಲ್ಲ ನಡು ರಸ್ತೆಯಲ್ಲಿ ಹೆಣ್ಣು ಮಗಳ ಮೇಲೆ ದಾಳಿ ಆಗುತ್ತಿದ್ದರು ನೋಡುತ್ತಾ ನಿಂತ ಜನಗಳು ವಿಡಿಯೋ ಚಿತ್ರೀಕರಣದಲ್ಲಿ ಬ್ಯುಸಿ ಆಗಿದ್ದರು.
ಸಂತ್ರಸ್ತೆಯನ್ನು ತೀವ್ರವಾಗಿ ಗಾಯಗೊಂಡ ನಂತರ ಆರೋಪಿ ಸ್ಥಳದಿಂದ ಪರಾರಿಯಾಗಿದ್ದಾನೆ .
ನೀಮಚ್ ಕ್ಯಾಂಟ್ ಪೊಲೀಸ್ ಠಾಣೆ ವ್ಯಾಪ್ತಿಯ ಗಾಂಧಿ ವಾಟಿಕಾ ಬಳಿ ಈ ಘಟನೆ ನಡೆದಿದೆ.
ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ವೀಡಿಯೋದಲ್ಲಿ ಸಂತ್ರಸ್ತ ಮಹಿಳೆ ರಕ್ತದ ಮಡುವಿನಲ್ಲಿ ಬಿದ್ದಿರುವುದನ್ನು ಕಾಣುತ್ತಿದ್ದು, 23ರ ಹರೆಯದ ಯುವ ಕಾಂಗ್ರೆಸ್ ಮುಖಂಡ ಕುಲದೀಪ್ ವರ್ಮಾ ಆಕೆ ನನಗೆ ಮೋಸ ಮಾಡಿದ್ದಾರೆ ಎಂದು ಆರೋಪಿಸಿದ್ದಾರೆ. “ಅವಳು ನನಗೆ ಮೋಸ ಮಾಡಿದಳು.” ಈ ಹುಡುಗಿಯರು ಕೇವಲ ಹಣವನ್ನು ಬಯಸುತ್ತಾರೆ. ನಿಮಗೆ ಎಷ್ಟು ಗೆಳೆಯರಿದ್ದಾರೆ? “ಅಯಾನ್, ರಯಾನ್, ಆಜಾದ್, ಹರ್ಷಿತ್.”ಎಂದು ಕೂಗಾಡುತ್ತಿದ್ದ.
ಈ ಘಟನೆ ಬಗ್ಗೆ ಮಾಹಿತಿ ತಿಳಿಯುತ್ತಿದ್ದಂತೆ ಕೂಡಲೇ ಸ್ಥಳಕ್ಕೆ ಆಗಮಿಸಿದ ಪೊಲೀಸ್ ಅಧಿಕಾರಿಗಳು ಗಾಯಾಳು ಮಹಿಳೆಯನ್ನು ಜಿಲ್ಲಾ ಆಸ್ಪತ್ರೆಗೆ ರವಾನಿಸಿದ್ದಾರೆ. ನಂತರ ಸಂತ್ರಸ್ತೆಯ ಸಂಬಂಧಿಕರು ಆಕೆಯನ್ನು ಜಿಲ್ಲಾ ಆಸ್ಪತ್ರೆಯಿಂದ ಖಾಸಗಿ ಆಸ್ಪತ್ರೆಗೆ ರವಾನಿಸಿದ್ದು, ಆಕೆಯ ಸ್ಥಿತಿ ಸ್ಥಿರವಾಗಿದೆ ಎಂದು ಹೇಳಲಾಗಿದೆ.
ಆರೋಪಿ ಕೇಸರಪುರ ನಿವಾಸಿಯಾಗಿದ್ದು, ಸಂತ್ರಸ್ತೆ ಬೋಹ್ರಾ ಬಜಾರ್ ಪ್ರದೇಶದಲ್ಲಿ ವಾಸವಾಗಿದ್ದಾಳೆ. ಗಮನಾರ್ಹವಾಗಿ, ಕುಲದೀಪ್ ವರ್ಮಾ ಈ ಹಿಂದೆ ಜ್ಞಾನೋದಯ ಮಹಾವಿದ್ಯಾಲಯದ ಎನ್‌ಎಸ್‌ಯುಐ ಕಾಲೇಜು ಅಧ್ಯಕ್ಷರಾಗಿದ್ದರು ಮತ್ತು ಇತ್ತೀಚೆಗೆ ಯುವ ಕಾಂಗ್ರೆಸ್‌ನ ಜಿಲ್ಲಾ ಕಾರ್ಯಕಾರಿಣಿಯಲ್ಲಿ ಸೇರ್ಪಡೆಗೊಂಡಿದ್ದರು.
ಪಾರ್ಕ್ ಹೊರಗಡೆ ಜಗಳವಾಡುತ್ತಾ ಯುವ ಕಾಂಗ್ರೆಸ್ ಮುಖಂಡ ಚಾಕು ತೆಗೆದುಕೊಂಡು ಯುವತಿ ಗೆ ಇರಿದಿದ್ದಾನೆ ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ.
ಸಂತ್ರಸ್ತೆಯ ಕಿರುಚಾಟ ನೋಡುಗರನ್ನು ಬೆಚ್ಚಿಬೀಳಿಸಿತು, ಘಟನಾ ಸ್ಥಳದಲ್ಲಿ ನೆರೆದಿದ್ದರು. ಆದಾಗ್ಯೂ, ಯಾರೂ ಹುಡುಗಿಯನ್ನು ರಕ್ಷಿಸಲು ಅಥವಾ ದುಷ್ಕರ್ಮಿಯನ್ನು ತಡೆಯಲು ಪ್ರಯತ್ನಿಸಲಿಲ್ಲ, ಬದಲಿಗೆ, ಅವರು ವೀಡಿಯೊಗಳು ಮತ್ತು ಚಿತ್ರಗಳನ್ನು ತೆಗೆದುಕೊಳ್ಳುತ್ತಿದ್ದರು.
ತನಿಖೆಯನ್ನು ಕೈಗೆತ್ತಿಕೊಂಡ ಪೊಲೀಸರು ಕುಲದೀಪ್ ವರ್ಮಾ ಅವರನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.
