ಮಹಾರಾಷ್ಟ್ರ : ಮಹಾರಾಷ್ಟ್ರದ ಚಂದ್ರಾಪುರದಲ್ಲಿ ಇಂದು ಆಘಾತಕಾರಿ ಘಟನೆಯೊಂದು ಬೆಳಕಿಗೆ ಬಂದಿದೆ. ರಯತ್ವಾರಿ ಕಾಲೇರಿಯ ಆಮ್ಟೆ ಲೇಔಟ್‌ನಲ್ಲಿರುವ ಮನೆಯ ಮೊದಲ ಕೊಠಡಿಯ ನೆಲ ಏಕಾಏಕಿ ಕುಸಿದು ಸುಮಾರು 20 ಅಡಿ ಆಳದ ಗುಂಡಿ ನಿರ್ಮಾಣವಾಗಿದೆ. ಕೆಲಸ ಮಾಡುತ್ತಿದ್ದ ಮಹಿಳೆ ಈ ಗುಂಡಿಗೆ ಬಿದ್ದಿದ್ದಾರೆ ಮಹಿಳೆಯೊಂದಿಗೆ ಆಕೆಯ ಸಾಕು ನಾಯಿ ಕೂಡ ಗುಂಡಿಗೆ ಬಿದ್ದಿದೆ ಎಂದು ಹೇಳಲಾಗುತ್ತಿದೆ.
ಈ ಸಂಪೂರ್ಣ ಈ ಕಟ್ಟಡವು ಸರ್ಕಾರಿ ಕಲ್ಲಿದ್ದಲು ಗಣಿ ಸಮೀಪದಲ್ಲಿದೆ ಎಂದು ಹೇಳಲಾಗುತ್ತಿದೆ.
ಅದೇ ಕಾಂಪ್ಲೆಕ್ಸ್ ನಲ್ಲಿ ಸುರೇಶ್ ಮಾಧವ್ ಶಿವಂಕರ್ ಎರಡು ಅಂತಸ್ತಿನ ಮನೆ ಹೊಂದಿದ್ದರು ಶಿವಂಕರ್ ಪತ್ನಿ ಸಂಗೀತ ಶಿವಂಕರ್ ಮನೆಯಲ್ಲಿ ಕೆಲಸ ಮಾಡುತ್ತಿರುವಾಗ ಅಜಾನಕ್ಕಾಗಿ
12.30ರ ವೇಳೆಗೆ ಇದ್ದಕ್ಕಿದ್ದಂತೆ ಮನೆಯ ಮೊದಲ ಕೊಠಡಿಯ ಮಹಡಿ ಕುಸಿದಿದ್ದು, ಸಂಗೀತಾ ಶಿವಂಕರ್ ಬಿದ್ದು ಗಾಯಗೊಂಡಿದ್ದಾರೆ.
ಸುಮಾರು 20 ಅಡಿ ಆಳಕ್ಕೆ ಬಿದ್ದಿದ್ದ ಮಹಿಳೆ ತನ್ನ ಮಕ್ಕಳನ್ನು ರಕ್ಷಣೆಗಾಗಿ ತನ್ನ ಮಕ್ಕಳನ್ನು ಕರೆದಿದ್ದಾರೆ. ಇದಾದ ಬಳಿಕ ಮಕ್ಕಳ ಅಳು ಕೇಳಿದ ತಕ್ಷಣ ಸಂಬಂಧಿಕರು, ನೆರೆಹೊರೆಯವರು ಮನೆ ಕಡೆಗೆ ಓಡಿ ಬಂದಿದ್ದಾರೆ. ಮನೆಯಲ್ಲಿ ಬಿದ್ದ ದೊಡ್ಡದಾದ ಗುಂಡಿಯನ್ನು ಕಂಡು ಎಲ್ಲರೂ ಬೆಚ್ಚಿಬಿದ್ದರು, ನಂತರ ಏಣಿಯ ಸಹಾಯದಿಂದ ಗಾಯಗೊಂಡ ಮಹಿಳೆಯನ್ನು ಗುಂಡಿಯಿಂದ ಹೊರತೆಗೆಯಲಾಯಿತು. ಮಹಿಳೆಯ ಕೈ ಮತ್ತು ಕಾಲುಗಳಿಗೆ ಗಾಯವಾಗಿದ್ದು, ಅದೃಷ್ಟವಶಾತ್ ಆಕೆಯ ಪ್ರಾಣ ಉಳಿಯಿತು.
ಘಟನೆಯ ನಂತರ ಅಕ್ಕಪಕ್ಕದ ಜನರು ಭಯಭೀತರಾಗಿದ್ದರು
ಘಟನೆಯ ನಂತರ ಜನರು ಟಿವಿ, ಹಾಸಿಗೆಗಳು, ಬೀರುಗಳು ಮತ್ತು ಇತರ ವಸ್ತುಗಳನ್ನು ಮನೆಯೊಳಗೆ ತೆಗೆದುಹಾಕಲು ಪ್ರಾರಂಭಿಸಿದರು. ಮನೆಯ ಸಾಮಾನುಗಳನ್ನೆಲ್ಲ ಹೊರತೆಗೆದು ಮನೆ ಖಾಲಿ ಮಾಡುತ್ತಿದ್ದಾರೆ.
ರಾಮನಗರ ಪೊಲೀಸ್ ಠಾಣೆಯ ಪೊಲೀಸ್ ಇನ್ಸ್‌ಪೆಕ್ಟರ್ ಘಟನಾ ಸ್ಥಳಕ್ಕೆ ಆಗಮಿಸಿ ಜನರನ್ನು ನಿಯಂತ್ರಿಸಿದರು.
ನೆಲದಡಿಯಲ್ಲಿ ಕಲ್ಲಿದ್ದಲು ಗಣಿ ಇತ್ತು!
ಈ ಜನವಸತಿ ಪ್ರದೇಶದಲ್ಲಿ ನೆಲದಡಿಯಲ್ಲಿ ವೆಸ್ಟರ್ನ್ ಕೋಲ್ ಫೀಲ್ಡ್ ನ ಕಲ್ಲಿದ್ದಲು ಗಣಿ ಇದ್ದು, ಅದು ಸರಿಯಾಗಿ ಮುಚ್ಚದ ಕಾರಣ ಈ ಘಟನೆ ನಡೆದಿದೆ ಎಂದು ಹೇಳಲಾಗುತ್ತಿದೆ.
